იყავი კრეატიული!
იყავი კრეატიული,გააკეთე საკუთარი ხელით, ნუ გადაყრი ერთი შეხედვით უსარგებლო ნარჩენებს, შეგიძლია ისინი სარგებლიან ნივთებად გადააქციო და ამისთვის დიდი ჯადოქრობა სულაც არ არის საჭირო. იაზროვნე კრეატიულად და გაალამაზე შენს გარშემო სამყარო…
1. ამ სურათის მიხედვით შეგიძლიათ მოამზადოთ ულამაზესი და უგემრიელესი ხილის ასორტი. დაგჭირდებათ ხილი და ხის ჩხირები.
2. უბრალო თუნუქის სათლით ან თნუქის ქილით შეგიძლიათ დაამზადოთ ორიგინალური ყვავილის ქოთანი. მიყევით სურათზე ნაჩვენებ ინსტრუქციას. ქვების მაგივრად შეიძლება გამოვიყენოთ ნიჟარები, მძივები, ფერადი შუშის ნამტვრევები და სხვ.
3. ეს ფორთოხლის სანთელია, რომელიც არომატსა და რომანტიკას შესძენს თქვენს ვახშამს. მის დასამზადებლად დაგჭირდებათ კოვზი , რათა კარგად გამოასუფთავოთ რბილობისგან ციტრუსი, კაპრონის ძაფი რომელიც ნემსით შეგიძლით გაუყაროთ ციტრუსის შუაგულში და პარაფინი(გაალღვეთ სანთელი და ჩაასხით ციტრუში, რომელშიც უკვე დამაგრებული იქნება ძაფი). სულ ეს არის, სანთელიც მზადაა.
4. ეს წიგნის თარო ძალიან ორიგინალურია და მარტივად გასაკეთებელი.
5. ამ პლასტმასის ქილისა და ერთჯერადი კოვზებისგან ლამაზი სანათის დამზადებაა შესაძლებელი.
6. თუკი ელვაშესაკრავი გაგიფუჭდათ გადაგდებას ნუ იჩქარებთ, მისგან შეგიძლიათ ასეთი დეკორატიული ყვავილები გააკეთოთ და დაამაგროთ ჩანთაზე , ტანსაცნელზე ან მიაკეროთ უბრალო რეზინა და თმის სამაგრიც მზად არის.
7. ვისაც ორიგინალური და განსხვავებული სამკაულები გიყვართ შეგიძლიათ ძველი , გაფუჭებული საათისგან “შედევრები” შექმნათ.
8. ძველი საბურავისგან შეგიძლიათ მრგვალი მოსახერხებელი სკამი გააკეთოთ, მისი დიზაინი თქვენს ფანტაზიაზეა დამოკიდებული, შეგიძლიათ სხვადასხვა ქსოვილი გამოიყენოთ. თუ რამოდენიმე საბურავს ერთმანეთს დაადებთ მრგვალი ჟურნალების მაგიდის გაკეთებაც არ გაგიჭირდებათ.
9. ქაღალდის ყვავილები დაგეხმარებათ სადღესასწაულო იერი მისცეთ სახლს და მდიდრული ეფექტი შესძინოთ სუფრას.
10. რეზინის ჩექმა მხოლოდ წვიმაში არ გამოგვადგება, შეგიძლიათ მას ქოთნის დანიშნულებაც მისცეთ.
11. ამ ლამაზი დეკორატიული ყვავილის მოსამზადებლად დაგჭირდებათ მაღალფეხიანი ჭიქა ან სანაყინე, მასში ჩადეთ ღრუბლის(ე. წ. გუბკა) მომრგვალებული ნაჭერი და წებოთი ჩაამაგრეთ. დაგჭირდებათ ძველი ოდნავ გაყვითლებული წიგნის ფურცლები და სამკერვალო ქინძისთავები.
12. ბავშვის წინდებისა და ბამბისგან შეიძლება რბილი სათამაშო დავამზადოთ, ისე როგორც ეს სურათზეა ნაჩვენები. პერსონაჟის შექმნა თქვენს ფანტაზიაზეა დამოკიდებული.
13. ე. წ. ბავშვის “რეიტუზის თათები” შეიძლება ქოთნების გასალამაზებლად გამოგვადგეს , ისე როგორ ეს სურათზეა ნაჩვენები.
p.s. გისურვებთ კრეატიული იდეების ამოფრქვევას!
კომენტარები